LIKE US ON FACEBOOK
Siyam na senador ang naghain nitong Lunes, Marso 2 ng concurrent resolution na naglalayong payagan ng Kongreso na makapag-operate ang ABS-CBN habang tinatalakay pa ngayong 18th Congress ang renewal ng kanilang prangkisa na mapapaso na sa Mayo 4 ng taong ito.
Ang mga senador na kasama sa naghain ng Senate Concurrent Resolution 7 ay sina Senate Majority Leader Juan Miguel Zubiri, Senate President Pro Tempore Ralph Recto, at Sens. Lito Lapid, Sherwin Gatchalian, Joel Villanueva, Nancy Binay, Sonny Angara, Grace Poe, at Manny Pacquiao.
Sa nasabing resolusyon, hiniling din sa National Telecommunications Commission (NTC) na mag-isyu ng provisional authority sa ABS-CBN Corporation habang dinidinig pa sa Kongreso ang kanilang prangkisa.
Sa paghahain ng resolusyon, ipinunto ng mga senador na ang pagsasara ng ABS-CBN ay magreresulta sa kawalan ng trabaho ng halos 11,000 manggagawa ng network.
“The removal of a market leader such as ABS-CBN would significantly impact not only on competition within the broadcasting industry, but also on the economy as a whole,” ayon sa resolusyon.
“In fact, Socioeconomic Planning Secretary Ernesto Pernia was quoted as saying that the non-renewal of the franchise of ABS-CBN may affect investor confidence and get in the way of promoting diversity in the economy and fostering competition,” dagdag pa doon.
Kailangan din umanong magkaroon ng ‘intervention’ ang gobyerno para matiyak na makakapagpatuloy ang operasyon ng network habang nakabinbin ang deliberasyon sa franchise renewal nito sa Kongreso.
No comments:
Post a Comment