“Para akong ipis nun dahil sa Pang-aapi ng ABS-CBN sakin” GMA Anchor Mel Tiangco – 2013 Interview

LIKE US ON FACEBOOK

Sa isang panayam noong 2013, idinetalye ni GMA News Anchor Mel Tiangco ang mapait na dinanas niya noong tinanggal siya sa ABS-CBN.

“Naku, baka hindi puwede! Kasi yun ang pang-aapi sa akin ng ABS… Pero puwede ba yun? Baka idemanda tayo… Kasi kung meron mang bahagi ng buhay ko na may matinding pinagdaanan ko—iyon, eh… Dini-describe ko nga nun na, feeling ko, para akong ipis nun. Alam n’yo naman kung paano ba patayin ang ipis? Di ba, tinatapakan, tapos idiin pa para mapisa nang husto? Ganun ang feeling ko nun,” sabi ni Tiangco.

Magugunita na noong 90’s ay naging kontrobersiyal ang paglipat nila Tiangco at kapwa niya mamamahayag na si Jay Sonza mula ABS-CBN papuntang GMA Network. Ito ay nag-ugat sa paglabas ni Tiangco sa isang detergent commercial na walang permiso ng ABS-CBN.

Ang sigalot na ito ay humantong pa sa demandahan at umabot pa sa korte suprema kung saan pinaboran naman sina Tiangco at Sonza.

Kahit naman daw na ganoon ang naranasan niya ay pinili niya na lang na patawarin ang Kapamilya channel. Ayon pa kay Tiangco, marami naman din daw siyang natutunan.

“Ang natutunan ko lang sa experience na yun, ‘You cannot put a good man down… Pero alam mo noon, litung-lito ako, na hindi ko alam kung ano ang gagawin ko… Kasi, you know, I love that company very much. I gave everything I had… Bakit ako ginaganito?’ Yun lang ang umaano sa isip ko, ‘Ano ba ang ginawa ko? Bakit nila ako ginaganito?’ But I did not lose my equilibrium. I did not lose my balance… Dun na rin ako humugot ng lakas, kasi alam ko na mabuting tao ako. Alam ko na mabuting empleyado ako,” ani Tiangco.

Ang ABS-CBN ngayon ay nahaharap sa matinding suliranin kaugnay sa prangkisa nito. Kamakailan lang ay naghain ng quo warranto petition si Solicitor General Jose Calida para ibasura ang prangkisa ng kumpanya. Habang ang koongreso naman ay wala pang naisasagawang pagdinig para sa legislative franchise ng media network.

Kasabay ng siaglot na kinakaharap ngayon ng ABS-CBN ay ang isa-isang paglitaw ng mga dati nitong manggagawa upang ikuwento ang hindi maganadang karanasan nila sa naturang istasyon.