‘Diyan ka Magaling. Ang Mang Alipusta ng Kapwa mo!’ – Vice Ganda, Sinupalpal ng Radio Host!

Kahapon ay nagpasarin si Jose Marie Viceral o Vice Ganda sa mga bumabatikos sa ABS-CBN. Ayon sa komedyante ng Kapamilya network, mga trolls daw ang mga kritiko ng media outlet at sa mga susunod na araw ay gagawa raw ng kung anu-anong istorya ang mga ito para ibintang sa kumpanyang pinagtatrabahuan niya.

Ang mga patutsada na ito ni Vice Ganda ay hindi pinalampas ng radio host at pro-administration blogger na si Mark Lopez. Sa kanyang social media account, binuweltahan ni Lopez ang panlalait ng komedyante.


“Sure Mr. Jose Marie Viceral, you can mock and belittle those who are making a stand against your network’s egregious sins against the Filipinos.
Jan ka naman magaling eh. Yan ang kinabubuhay mo, ang daanin sa biro ang pang aalipusta sa kapwa mo. Trolls talaga ha?

No wonder ikaw ang poster child at pambato ng ABS CBN. You and your so-called talent,” resbak ni Lopez.
Para kay Lopez, isa raw marahil sa dahilan kung bakit may mga taong gustong ipasara ang ABS-CBN ay dahil sa asta ng komedyante at sa ginagawa nitong pagpapababaw sa mga tao.

“Perhaps there is a reason why the clamor to shutdown the Kapamilya Network is much louder than all of your shrill and bravado. By the way, thank you so much for contributing heavily to the dumbing down of our citizenry.
Baka kaya malakas na ang panawagan na isara ang ABS CBN eh dahil panahon na para naman mag level up na ang Pilipino,” dagdag pa ni Lopez.

Ang operasyon ng ABS-CBN ay nahaharap ngayon sa matinding suliranin. Nitong Lunes lang ay naghain ang opisina ni Solicitor General Jose Calida ng quo warranto laban sa prangkisa ng kumpanya dahil umano sa mga pag-aabuso. Habang ang mga panukalang batas para sa legislative franchise ng network ay hindi pa rin dinidinig sa kongreso. Ilang ulit na rin nagbabala si Pangulong Rodrigo Roa Duterte na haharangin niya ang franchise renewal ng media outlet.